Besnik Mustafaj, ish-ministër i Jashtëm në qeverinë Berisha dhe një nga zërat më kritikë në PD, e ka cilësuar opozitën aktuale të dobët.
Mustafaj komentoi gjithashtu edhe zërat që qarkullonin javë më parë se Majlinda Bregu mund të ishte pjesë e qeverisë “Rama2”, megjithëse ish-ministrja e Integrimit i cilësoi këto insinuata si të pabaza.
Gjithsesi për Mustafajn, i cili ishte i ftuar në studion e News 24, ish-deputetja demokrate mund të ketë refuzuar vetë një post qeveritar.
“Zonja Bregu është një personalitet i ardhur në PD në mënyrë aktive nëpërmjet KOP ku u përpoqëm të tërheqim njerëz teknicienë, përfshi edhe Bashën. Falë aftësive të saj, s’do ishte e çuditshme të kishte edhe poste në qeveri të tjera.
Pra, ajo ka treguar profil të lartë të njeriut që di të bëjë punë. Fakti që nuk u bë pjesë e qeverisë mendoj që ka qënë vendim i saj, se zonja Bregu është pozicionuar qartë tek PD, ose jashtë politikës. Nuk kam parë tek ajo prirje për kompromis me PS apo qeverinë e majtë”, tha Mustafaj./tesheshi.com/
