Ndërkohë që bombardimet mbi Halep u kanë marrë jetën vetëm gjatë këtyre ditëve më tepër se 150 njerëzve, shefi i regjimit sirian ka dhënë një intervistë për të përditshmen ruse Komsomolskaya Pravda, ku ka përcjellë vendosmërinë për t’i shkuar gjer në fund marrjes së qytetit.
Ai ka folur për pastrim të qytetit e për përdorje të tij si trampolinë për t’i çliruar pjesët e tjera të vendit, për ta fituar luftën më tepër se pesëvjeçare.
“Ju duhet të vazhdoni ta pastroni këtë zonë, e t’i shtyni terroristët drejt Turqisë, për t’u kthyer nga kanë ardhur, ose t’i vrisni ata. Nuk ka alternativë tjetër!”
“Ka për të qenë trampolina, si një qytet i madh, për të lëvizur në zonat e tjera, për t’ çliruar ato nga terroristët. Kjo është rëndësia e Halepit tani,” është thënë nga ai për intervistuesen ruse.
Esadi e ka pranuar se Halepi nuk ishte më qendra industriale e Sirisë, por rimarrja e qytetit, sipas tij, do të ishte një fitore e rëndësishme strategjike dhe politike për të.
Ai mbështetet në luftën e tij nga forcat ajrore ruse, nga rojet revolucionare iraniane, si dhe nga milicitë shiite të vendeve fqinje.
Në këndvështrimin e tij, Beshar Esadi e sheh konfliktin civil në vendin e tij të jetë kthyer në një konflikt midis Rusisë dhe Perëndimit.
“Unë nuk mendoj se Perëndimi, dhe veçanërisht Shtetet e Bashkuara, e kanë ndalur luftën e tyre të ftohtë, edhe pas shembjes së Bashkimit Sovjetik,” ka thënë Esadi për të përditshmen ruse. /tesheshi.com/
