Silvio Berluskoni ka bërë me dije risitë që do të sjellë Monza, klubi që ai bleu së fundi, si në futbollin italian edhe në atë europian. Ato duken disi të çuditshme, por kur është fjala për Cavalero-n, duhen pritur dhe ca gjëra të papara.
Në një intervistë me Gazzetta dello Sport, Berlusconi tha se ekipi i tij i ri do të jetë e kundërta e Milanit.
“Monza do të jetë diçka krejtësisht të re në futboll. Do luajnë vetëm të rinj italianë. Brenda dhe jashtë fushës ata do të jetë një shembull i sjelljes fisnike dhe i lojës së ndershme. Kundërshtarëve do t’u kërkohet falje ndonjë në rast të ndonjë dëmtimi, e gjithashtu me gjyqtarët do ketë një sjellje xhentëllmene.
Më pas do ketë një përkujdesje për pqraqitjen e jashtme. Të gjithë do të duhet të kenë një prerje flokësh të mirë, do ndalohen mjekrat, vathët dhe tatuazhet”, tha Berlusconi.
Silvio Berlusconi i rikthehet botës së futbollit duke marrë Monza-n pasi jua shiti Milanin e madh kinezëve. Milani i ishte i gjithi një investim berluskionian në famën dhe madhështinë e vet. Për më shumë se 30 vjet, klubi u bë lider i futbollit italian dhe europian, ku lanë gjurmët e tyre shumë yje.
Me Berlusconin në krye, Milan arriti të fitojë 5 Champions League.
Tashmë, Berlusconi ka sfidën e radhës me Monza-n pasi e bleu për 3.5 milionë euro, ku sërish do ia besojë krahut të djathtë, Adriano Gallianit. /tesheshi.com/
