Plani i Bashkimit Europian për të pranuar 160 azilkërkues të rinj përfaqëson “një pikë në oqean” në krahasim me shkallën e krizës, paralajmëroi zëvendëskancelari gjerman, Sigmar Gabriel. Ai tha se 450 mijë njerëz kanë mbërritur në Gjermani deri tani vetëm këtë vit, e 37 mijë persona vetëm në tetë ditët e shtatorit.
Me dhjetëra mijë, shumica sirianë, po nxitojnë drejt veriut të Europës në ditët e fundit.
Televizioni serb tha se një shifër rekord prej 5 mijë refugjatësh kanë mbërritur në kufirin me Hungarinë vetëm në 24 orët e fundit.
Ndërsa në Austri, 5700 persona kanë kaluar kufirin nga Hungaria në orët e fundit.
Fuke folur në parlamentin gjerman, Gabriel e përshkroi planin e Komisionit Europian si hapin e parë, “nëse duam të jemi të sjellshëm”. “Ose mund ta quani një pikë në oqean”, theksoi ai. Komisioni Europian ka propozuar kuota të detyrueshme për të shpërndarë 120 mijë refugjatë të tjerë, përpos 40 mijëve që duhet të ndaheshin mes vendeve anëtare në Maj, por që u kundërshtua nga disa vende dhe nuk gjeti zbatim./tesheshi.com/
