Sali Berisha i dha një shpjegim fjalimit të së bijës në Kuvendin e Rithemelimit, duke e konsideruar ndryshe nga sa e konsideron media, si një afirmim i nisjes së një karriere politike në trashëgim të të atit.
Për këtë të fundit, e bija gëzon një status nga e dikurshmja dhjetoriste, ndaj dhe u ngjit në podium, ndonëse nuk ndodh për herë të parë në mbi tre dekada.
“Argita Malltezi mbajti një fjalim si shumë të tjerë aty. Argita Malltezi është një aktiviste e PD-së, që në ditët më të para të themelimit të saj, ka qenë studente. Në këtë kontekst, ajo nuk është ndarë kurrë nga PD.
Ky është fjalimi i parë publik i saj në kuvendet e partisë, por kjo nuk do të thotë asgjë më shumë sesa një fjalim në të cilin shprehu si aktiviste e PD-së, mendimet e veta”, u arsyetua Berisha.
Fjalimi i Argita Berishës vjen pas një zhvillimi shqetësues në familjen Berisha, arrestimin nga SPAK të Jamambër Malltezit, bashkëshortit të saj, lidhur me çështjen “Partizani”, i cili gjithsesi doli pas javësh nga burg dhe tashmë është në arrest shtëpie.
Argita, disi më e përpunuar se i ati në mesazhe politike, në frymë qe po si ai. /tesheshi.com/
