Ish-kryeministri Berisha sqaroi për herë të parë psenë e ndryshimeve kushtetuese në 2008-ën, ndërmarrë së bashku me Ramën atë kohë, si drejtues opozite.
“Cili ka qenë thelbi i ndryshimit të 2008-ës? Thelbi ka qenë rajonalizimi. Kam qenë pro, sepse PS, një parti e madhe, mbetej pa asnjë deputet nga Fushë Kruja në Vermosh, dhe kjo nuk ishte e drejtë, se kishte socialistë kudo, dhe ata s’kishin asnjë përfaqësues.
E njëjta gjë thuhej për PD-në në rrethe të tëra. S’ka asgjë tjetër ai ligj, përveçse garanton rajonalizimin”, ishte arsyetimi i Berishës.
Ato ndryshime janë kontestuar si në ato kohë e si sot. Ndër të parët qe Meta, që nuhati te ato një komplot kundër tij.
Megjithatë, kjo që thotë Berisha nuk qëndron plotësisht. Në çdo kohë ka patur deputetë të PS-së në veri e të PD-së në jug, paçka një prirjeje për bastione politike. Kjo situatë që pretendon ai nuk ka qenë në nivele kaq dramatike të një “prerjeje me thikë” mes dy gjysmave vertikale të Shqipërisë politike. /tesheshi.com/
