Gazetari dhe ish-deputeti kosovar, Berat Buxhala, në një mesazh në instagram, ka ironiozuar me një grup femrash myslimane. Edhe pse me një gjuhë të rafinuar, dhe të kodifikuar natyrisht, Buzhala ka mundur ta përcjellë me përplot ironi antipatinë e tij ndaj sojit të femrave besimtare, të ndodhura në një rrethanë krej të zakontë, para hyrjes së Pallatit të Kongreseve, për të ndjekur Panairin e Librit.
“Dola pak deri ne panair te librit. Po avancon femra shqiptare dita – dites. Demek edhe ne keso forme behet propaganda. Mu tek dera ku po tregtohet dituria. Qe askush mos ta shmange kete ‘deklarate politike’, te ketyre gocave. Rastesi, ose diverzitet kulturor, do te ishte sikur keto t’i takoje brenda panairit, ne menyre individuale. E jo keshtu si billboard para deres.”
I njohur si njeri konfliktual, gricës, inatçor dhe me mungesë të theksuar etike në komunikim, mesazhi i tij nuk përbën çudi. Por është shqetësues fakti që gjen këtë moment, me plot tension global për shkak të sulmeve terroriste në Paris, për t`i hedhur ca pak benzinë zjarrit të urrejtjes fetare.
Ato fare mirë mund të ishin dhe murgesha, nderin dhe dinjitetin e së cilave askush nuk ka të drejtë ta nëpërkëmbë, krejtësisht në të drejtën e tyre të jenë në një Panair Libri, të shoqërohen dhe të bisedojnë me njëra-tjetrën ku të duan dhe si të duan. /tesheshi.com/
