Sipas medias serbe e Beogradit zyrtar, Siera Leone është vendi që ka tërhequr njohjen e Kosovës, gjë e paralajmëruar dhe nga Vuçiç.
Ky i fundit tha se Beogradi do tërhiqet nga procesi i lobimit për ç’njohje, nëse dhe Prishtinë pushon së kërkuari njohje nga Serbia.
Ky zhvillim ka irrituar kryeministrin Kurti, që tha se kështu po zhvlerësohet dhe heqja e taksës.
“Vullnetit tim të mirë, për heqjen e pjesshme të tarifës në lëndën e parë që importohet nga Serbia, në mënyrë që të krijohen kushtet për rifillim të dialogut dhe të ndërtimit të marrëdhënieve konstruktive të bashkëpunimit, qeveria serbe po i përgjigjet me intensifikim të fushatës së çnjohjeve së pavarësisë së Kosovës.
I bëj thirrje Serbisë zyrtare që ta ndalë këtë ofensivë dhe të heqë dorë nga politikat destruktive ndaj Kosovës dhe shtetësisë së saj. Po ashtu, do të kërkoj nga faktorët relevantë ndërkombëtarë, në radhë të parë SHBA-të dhe BE-ja, si ndërmjetësues në procesin e dialogut, ta shtojnë trysninë mbi Serbinë që ta ndërpresë politikën armiqësore ndaj Kosovës”, ka thënë Kurti. /tesheshi.com/
