Beogradi është prej kohësh në luftë me Vatikanin, pasi ka kundërshtuar vendimin e një gjykate kroate për t’i dhënë pafajësinë një prifti katolik të dënuar në vitin 1945.
Përpasja e Serbisë me Kroacinë ka ardhur pas vetos kroate se “Beogradi nuk i ka plotësuar kushtet për të ecur më tej në rrugën për tu bërë anëtar i Bashkimit Europian”.
Presidenti i Serbisë, Tomislav Nikoliq, akuzoi Papa Franceskun se i ka bërë presion autoriteteve kroate që gjykata të anulojë dënimin e Aloysius Stepinac.
Kartdinali katolik kroat u dënua pas Luftës së Dytë Botërore si bashkëpunëtor i nazistëve, por një gjykatë kroate ka hedhur poshtë vendimin e drejtësisë së kohës së Titos.
Kardinali u dënua me 16 vjet burg dhe i detyruar të punojë falas në një kamp pune.
Beteja e Beogradit bëhet që të denigrojë Zagrebin se po rikthen “skeletet” e kohës së ustashëve të Ante Paveliçit, që ishin një regjencë e caktuar nga nazistët.
Presidenti serb tha se kardinali katolik kroat ka pasur përgjegjësi për vdekjen e shumë serbëve, hebrenjve dhe romëve gjatë kohës së Luftës.
Një komision i përbashkë është ngritur ndërmjet Vatikanit dhe Kishës Ortodokse Serbe që të zgjidhin këtë çështje me një vendim të përbashkët.
Presidenti serb tha për gazetën Blic se “Kroacia po mbulon të kaluarën e saj por e vërteta është se ustashët kanë masakruar serbë. Shpresoj të gjejmë një sensibilitet nga pjesa e civilizuar dhe ant-fashiste e civilizimit”. /tesheshi.com/
