Benzema nuk e ka fshehur tërheqjen fetare ndaj Arabisë Saudite, pasi zgjodhi të luajë me Al-Ittihad pas përfundimit të epokës “mbretërore spanjolle” te Real Madrid.
Në të parën intervistë dhënë për mediat saudite, i pyetur se pse erdhi në Arabinë Saudite, ai tha: “Epo, sepse unë jam musliman dhe është një vend musliman. Gjithmonë kam dashur të jetoj këtu. Unë kam qenë tashmë në Arabinë Saudite dhe ndihem mirë për këtë. Më e rëndësishmja është një vend musliman, është i dashur dhe i bukur. Kur pata një bisedë me familjen time dhe u thashë po nënshkruaja me Arabinë Saudite, të gjithë ishin shumë të lumtur dhe ja ku jam, për mua është vendi ku dua të jem”.
Duke vijuar në të njëjtën temë, francezi tha: “Ndjej se njerëzit tashmë më pëlqejnë. Dhe kjo do të më lejojë të kem një jetë të re. Do të doja të mësoja arabisht dhe të flisja rrjedhshëm dhe është e rëndësishme për mua. Meka është shumë afër (me Jeddah) dhe si besimtar është e rëndësishme për mua”.
🎙️ Watch the full interview with Karim Benzema! Learn about his ambitions and goals with us next season!#Benzema2Ittihad
#HereToInspireKSA pic.twitter.com/lMSkSPh7AL— Ittihad Club (@ittihad_en) June 8, 2023
Mbajtësi i Topit të Artë, i konsideruar si një nga sulmuesit më të mirë të epokës moderne, do të bashkohet me një kontratë fillestare trevjeçare, tha klubi saudit.
Benzema fitoi 24 trofe me Real Madridin, duke përfshirë katër tituj të La Ligës, tre Copa del Reys dhe pesë tituj Champions League, duke u renditur si golashënuesi i dytë më i mirë i klubit pas Cristiano Ronaldos.
“Jam i emocionuar të përjetoj një ligë të re futbolli në një vend tjetër. Al-Ittihad ka një histori të mahnitshme, tifozë tepër të pasionuar dhe ambicie të mëdha në futboll për të qenë një forcë në Azi pas fitimit të ligës. Kam pasur fatin të arrij gjëra të mrekullueshme në karrierën time dhe të arrij gjithçka që mundem në Spanjë dhe Evropë”, tha ai.
“Tani ndihet se është koha e duhur për një sfidë dhe projekt të ri. Sa herë që kam vizituar Arabinë Saudite, gjithmonë kam ndjerë një ngrohtësi dhe dashuri nga fansat dhe njerëzit.
Mezi pres të bashkohem me shokët e mi të rinj dhe, së bashku me ta, të ndihmoj për ta çuar këtë klub të mrekullueshëm dhe lojën në Arabinë Saudite në nivele të reja”, shtoi ai.
Presidenti i klubit Al-Ittihad, Anmar Bin Abdullah Alhailae, tha: “Të nënshkruash me mbajtësin aktual të Topit të Artë nga Real Madridi është një tjetër moment historik për këtë klub të veçantë.
Karim është një ikonë e futbollit global. Ai bashkohet me një klub dhe ligë jashtëzakonisht konkurruese – në një vend me ambicie të mëdha si brenda dhe jashtë fushës”.
“Ju siguroj, këto do të jenë momente shumë të bukura dhe historike. Mirësevini Karim!”, tha ai. /tesheshi.com/
