E ardhmja e sulmuesit të Real Madrid-it, Karim Benzema, në kombëtaren franceze është mjaft me dyshim.
Marrëdhëniet jo fort të mira me bashkëlojtarët, sidomos me mesfushorin Mathieu Valbuena-n, pas skandalit lidhur me një video të futbollistit, kanë bërë që tifozët francezë, tashmë të shohin jashtë kombëtares sulmuesin e madrilienëve.
Prestigjiozja franceze “L’Euqipe”, ka publikuar një artikull ku thuhet: “EURO 2016: Benzema jashtë, Valbuena?”. Përmes këtij publikimi gazeta ka shkruar se Benzema do ta ketë shumë të vështirë të luajë në Europian dhe se Franca duhet të zgjedhë mes tij dhe Valbuena-s, me këtë të fundit në epërsi, sidomos pas sondazhit të tifozëve.
Në pyetjen se a duhet ftuar Didier Deschamps (trajneri i Francës), Benzeman në Europian, 72% e lexuesve janë përgjigjur me “JO”.
Benzema ishte i përfshirë në një skandal me bashkëlojtarin e tij Mathieu Valbuena-n, nga i cili kishte marrë një video private të tij dhe më vonë e kishte shantazhuar rreth saj. /tesheshi.com/
