Tekniku spanjoll Rafa Benitez e ka marrë me shumë optimizëm detyrën e re, i ulur të premten në stolin e Njukasëllit.
Edhe pse skuadra e tij gjendet në pozitë mjaft të vështirë në kampionatin anglez, në vend të dytë nga fundi në renditje, Benitez shpreh bindjen se ai mund ta ngrejë atë në nivele të larta.
“Ne mund t’i përmirësojmë gjërat, ne mund të jemi shumë të mëdhenj,” thotë tekniku 55-vjeçar, i kthyer të drejtojë një ekip vetëm dy muaj pasi u shkarkua nga Reali i Madridit. “Unë mund ta bëj këtë, e jam i bindur që mundem.”
“Por,” ka kujtuar ai, “për ta bërë këtë, duhet të përqendrohem në këto dhjetë ndeshje. “Unë mendoj se ne jemi një nga ekipet e rëndësishme në Premier League, por duhet të qëndrojmë në të.”
Benitez e fillon detyrën e re me një transfertë të vështirë, teksa Njukasëlli do të ndeshet sonte me Lestër Sitin, kryesuesin e kampionatit. /tesheshi.com/
