Deputeti i Partisë Socialiste Ben Blushi ka akuzuar kryeministrin Edi Rama se po përgatit një manipulim të madh për referendumin e 9 prillit që do të mbahet ditën e shtunë. Ai i ka bërë thirrje të gjithë anëtarëve të Partisë Socialiste që të jenë të kujdesshëm dhe të vëzhgojnë gjithçka për të mos lejuar vjedhjen e mandatit.
“I bëj thirrje gjithë socialistëve që me çdo formë e mjet që kanë, të bëjnë ç’është e mundur ta monitorojnë këtë referendum. Të gjejnë mundësinë të shmangin grabitjen e këtij mandati, sepse është mandati i anëtarëve të PS në gjithë Shqipërinë. E them këtë sepse po përgatitet një manipulim i madh. Lista e zgjedhësve nuk është bërë publike deri më sot”, u shpreh Blushi.
“U bëj thirrje socialistëve, sepse pjesëmarrja do të trukohet. Nuk na janë dhënë vëzhgues për monitorim”, tha socialisti, sipas së cilit “Edi Rama do mbahet mend për shumë budallallëqe që ka thënë për këtë vend. Me që jemi te skandali botëror “Panama Papers”, ky referendum është “PaRama Papares”, sepse po përgatitet një vjedhje e madhe dhe për të grabitur një mandat të paligjshëm. Referendumet vlejnë nëse 51% e listës merr pjesë”, shtoi ai. /tesheshi.com/
