Çiklisti i ri 22-vjeçar, që vetëm vitin e shkuar u bë profesionist, ndërroi jetë mbrëmjen e së hënës në një spital të Francës.
Dy ditë më parë, të shtunën, ai do të pësonte një atak kardiak gjatë garës Criterium International në Korsikë. Ai do të ndjehej keq gjatë pedalimit, dhe goditjen në zemër do ta pësonte brenda ambulancës, përpara se të çohej në spital me helikopter.
Gjatë dy ditëve do të mbahej me frymëmarrje artificiale, ndërsa kishte rënë në koma.
Në një koment të ekipit të tij, Roubaix Metropole Lille, do të shkruhej, “Ai e humbi garën e tij të fundit pasi luftoi si një kampion.”
Daan Myngheer qe shpallur kampion për të rinj në Belgjikë në 2011-ën, dhe do të pedalonte fillimisht si profesionist vitin e shkuar me ekipin çiklistik Verandas Willems.
Ky bëhet çiklisti i dytë belg që humb jetën brenda pak ditëve. Antoine Demoitie do të goditej nga një motoçikletë pasi ai u rrëzua gjatë garës Gent-Vevelgem këtë të dielë. Demoitie do të ndërronte jetë gjithashtu në spital, pasi nuk i përballoi dëmtimet. /tesheshi.com/
