Pas Albin Kurtit të Vetëvendosjes, edhe Kadri Veseli i PDK-së ka dhënë premtimin e madh se në qeverisjen e koalicionit PDK-AAK-NISMA do bashkohet Mitrovica. Këtë premtim ai e ka bërë përmes rrjetit social Facebook, ndërsa të njëjtin nuk e bëri gjatë tubimit zgjedhor që e mbajti ditë më parë në qytetin e ndarë.
“Do ta fuqizojmë Mitrovicën, që ta shohim nga lind dielli dhe nga perëndon. Të jetë një Mitrovicë e bashkuar. Jo jug e veri. Fillimi i Ri nënkupton që nuk ka mure në Republikën e Kosovës, nuk ka trena të Serbisë në Republikën e Kosovës. Ka marrë fund Serbia më 12 qershor. Kurrë më nuk do të kthehet! #FillimiRi”, ka shkruar Veseli.
Ka gjasa të mëdha që njëri prej tyre të vije në pushtet, andaj mbetet të shihet në katër vitet e ardhshme do bashkohet qyteti i Mitrovicës apo thjesht premtimet e tilla janë sa për të marrë ndonjë votë më shumë. /tesheshi.com/
