Pas shumë raportimeve nëse Lista Serbe do ta votojë apo jo Demarkacionin, më në fund është deklaruar vet kjo parti e cila ka një lajm të keq për kryeministrin Haradinaj i cili sot u pa tek lobonte për të ratifikuar marrëveshjen që vet e kundërshtonte fuqishëm.
“Srspka”, përmes një komunikate ka njoftuar se nuk do ta votojë marrëveshjen për përcaktimin e kufirit me Malin e Zi, duke thënë se “do ta vazhdojë luftën për popullin serb në Kosovë”.
“Shkrimet ne mediat shqipe se Lista do ta votoje demarkacionin, janë thjesht tendencioze”, thuhet në njoftim.
Përveç Listës Serbe aktualisht, votën kundër e ka paralajmëruar edhe Lëvizja Vetëvendosje, përderisa subjekti tjetër opozitar, LDK-ja, pritet që të kërkojë shmangien e votimit për raportin e Komisionit shtetëror të Shpejtim Bulliqit, të cilin e konsideron vetëm si një draft të papërfunduar, në të kundërtën ka thënë se nuk e voton.
Për ratifikimin e Marrëveshjes për demarkacionin me Malin e Zi, nevojiten dy të tretat e votave të tërësishme të deputetëve të Kuvendit, pra, 80 nga 120 sosh. /tesheshi.com/
