Në një prononcim të fundit, presidenti serb Aleksandër Vuçiç ka deklaruar nuk i frikësohet ndonjë sanksioni të mundshëm të Perëndimit lidhur me procesin e zgjidhjes së çështjes së Kosovës, por duke theksuar nga ana tjetër se më shumë e shqetësojnë problemet e tilla, siç është ikja e njerëzve nga Serbia dhe shkalla ulët e lindshmërisë.
Por më shumë se kaq, Vuçiç ka pranuar më një sinqeritet befasues se vet Serbia, me politikën e saj të gabuar e ka vulosur Pavarësinë e Kosovës.
“Jemi deri diku vet përgjegjës, duke pasur parasysh politikën e gabuar të Serbisë dhe disa lëvizje, me të cilat praktikisht kemi vënë vulën në zarfin e Pavarësisë së Kosovës”, theksoi kreu i shtetit serb. Ndërsa i pyetur në lidhje me informacionet për një marrëveshje ndërmjet Europës dhe Shteteve të Bashkuara për Kosovën para pak ditësh në Uashington, respektivisht për “Dokumentin e Uashingtonit”, Vuçiç theksoi se nuk ka parë kurrfarë dokumenti nga takimi i fundit i vendeve të “QUINT”-it në Uashington, duke thënë se “marrëveshja që ka mundur të arrihet atje nuk mund të jetë një surprizë e madhe, sepse janë vendet që e kanë njohur Pavarësinë e Kosovës”. /tesheshi.com/
