Më 24 prill, thuajse të gjithë serbët që kanë shtetësi të Kosovës do të votojnë edhe për parlamentin serb.
Por procesin e votimit dhe numërimit të votave nuk do të ndjekë ndonjë organ i Beogradit; atë do e ndjekë çuditërisht Prezenca e OSBE-së në Kosovë.
Siç bën të ditur në një njoftim zyrtar të ardhur me e-mail, zyra e Organizatës për Siguri dhe Bashkëpunim në Europë njofton se:
“Misioni i OSBE-së në Kosovë konfirmon se do të ndërmarrë një operacion të grumbullimit të votave në Kosovë për t’iu mundësuar personave me të drejtë vote qasje në zgjedhjet parlamentare serbe të datës 24 prill 2016.
Misioni është në fazën e planifikimit të detajeve operacionale dhe do të njoftojë publikun për çdo gjë”.
Me këtë precedent, duket sikur zyra e OSBE-së të jetë degë e qeverisë serbe e jo një organ krejt i pavarur që ka mision thjesht vëzhgimin e ecurisë së zgjedhjeve dhe përgatitjen e një raporti mbi to. /tesheshi.com/
