Bashkimi Evropian po pezullon përkohësisht taksat për importin e pajisjeve të caktuara mjekësore nga vendet jo të BE-së, në mënyrë që të furnizojë më mirë dhe me lehtësi spitalet evropiane në luftën kundër COVID-19.
Vendimi do të mbulojë pajisjet mbrojtëse, si dhe frymëmarrësit dhe testet, dhe do të jetë efektiv për të paktën katër muaj, sipas Komisionit Evropian.
Presidentja e Komisionit, Ursula von der Leyen, me shembullin e Italisë, shpjegon se masa mund të ulë çmimin e maskave mbrojtëse të importuara nga Kina deri në 30 përqind, ose të shfuqizojë taksën mbi 20 përqind të vlerës së shtuar tani të ngarkuar për frymëmarrësit e importuar.
“Kjo është një emergjencë, e cila kërkon masa emergjente,” tha Von der Leyen.
Ajo vlerësoi se mjekët dhe spitalet evropiane kishin nevojë për shumë pajisje mjekësore, një vendim që do ta bënte një të tretat e tyre më të lira. /tesheshi.com/
