Komisioni Evropian ka bërë të ditur se nuk mund të sigurojë privatësinë e të dhënave të qytetarëve të BE-së kur ato transferohen në Shtetet e Bashkuara, përmes kompanive të internetit.
Jemi apo nuk jemi të sigurt se mesazhet tona, llogaritë e postave elektronike apo të rrjeteve sociale, janë vetëm për “sytë tanë” dhe ata të personave të cilëve u adresohen?
Në këto kohë të vështira për privatësinë, situata duket se bëhet edhe më e vështirë pas një deklarate të Komisionit Evropian. Ky i fudnit i ka paralajmëruar qytetarët e vendeve të BE-së se, nëse dëshirojnë që komunikimet e tyre të mbeten vetëm të tyret, atëhere duhet të mbyllin menjëherë llogaritë në Facebook. Përndryshe nuk kanë asnjë siguri që ata nuk do të survejohen nga shërbimet amerikane të sigurisë.
Këto deklarata që tingëllojnë shumë të forta, janë bërë nga një avokat në Bashkimin Evropian, Bernhard Schima, gjatë një debati në lidhje me sigurinë dhe privatësinë e të dhënave personale të qytetarëve të Bashkimit Evriopian në dritën e zbulimeve të bëra nga Eduard Snowden. Bëhet fjalë për një debat në lidhje me privacinë e të dhënave personale në Facebook, dhe jo vetëm, të cilat mbrohen me legjislacione të veçanta nga Brukseli.
Veçanërisht, për sa i përket momentit të transferimit të tyre përtej Altalntikut, pra në Shtetet e Bashkuara të Amerikës.
Në dritën e zhvillimeve të reja, ka pakënanqësi ndaj gjigandëve të mëdhenj amerikanë si Apple, Facebook, Microsoft, Skype dhe Yahoo nga ana e evropianëve. Sipas disa ekspertëve të BE-së, kompanitë që operojnë në vendet e Bashkimit Evropian nuk duhet të lejohen të transferojnë të dhënat e tyre në SHBA konform legjislacionit të Brukselit. Kjo sepse sipas deklaratave të bëra nga Eduard Snouden, programi “Prism” i Agjencisë Kombëtare të Sigurisë (NSA), i merrte të dhënat e kompanive amerikane dhe ua dërgonte agjencive amerikane të inteligjencës, çka përbënte shkelje të legjislacionit evropian për mbrojtjen e të dhënave personale.
Polonia dhe disa vedne të tjera anëtare të BE-së si dhe disa organizata e kanë kundërshtuar këtë situatë, që sipas tyre shkel të drejtat e qytetarëve për privaci. Po si duhet vepruar atëherë? Ekspertët thonë: thjesht mbyll llogaritë në FB! /tesheshi.com/
