Kryetari i BDI-së Ali Ahmeti, përfundimisht deklaroi se nuk do të hyjë në zgjedhjet e 5 qershorit dhe kjo parti pritet të kërkojë dorëheqjen e presidentit maqedonas Gjeorgje Ivanov.
Kjo situatë ka lënë Gruevskin të vetëm në këtë pozicion. Për për gazetën austriake “Standard” pyetjes së gazetarit për zgjedhjet Ahmeti u përgjigj “Çfarë zgjedhje? Ju talleni”.
Këtë qëndrim të kryetarit të BDI-së, Ali Ahmeti, mbrëmë e ka sqaruar zëdhënësi i ksaj partie, Bujar Osmani. Sipas Osmanit ekzistojnë disa mundësi për të tejkaluar krizën.
BDI propozon që të mbahet një takim mes liderëve të partive politike së bashku me përfaqësuesit e bashkësisë ndërkombëtare, dhe me këtë bëhet edhe një përpjekje për t’i tejkaluar mosmarrveshjet, kryesisht mes VMRO-DPMNE-së dhe LSDM-së.
Si një nga propozimet e kësaj partie është formimi i një koalicioni të zgjeruar e cila do të kishte obligime të sakta deri në terminin e rregullt për zgjedhjet parlamentare që duhet të mbahen në vitin 2018.
Mirëpo kushti i BDI-së, është që të tërhiqet vendimi i Presidentit Ivanov, dhe ai të japë dorëheqje. “Nëse nuk ndodh kjo, atëherë zgjedhjet më 5 qershor nuk do të ketë”, theksojnë nga BDI. /tesheshi.com/
