BDI është detyruar të nxjerrë zëdhënësin e saj për të përgënjeshtruar lajmet mbi arritjen e marrëveshjes mes saj dhe VMRO-së, për çka edhe Partia Demokratike, ajo e Shqipërisë i ka përcjellë përshëndetje zyrtare.
“Demantoj gjithë spekulimet se është marrë vendim. Procesi i diskutimeve po vazhdon. Anëtarët e kryesisë dhe deputetët po japin argumentet e tyre”, ka deklaruar zëdhënësi Bujar Osmani gjatë një daljeje për shtypm në orët e vona të mbrëmjes.
Ai ka ritheksuar qëndrimin e partisë së tij se për momentin janë në lojë të gjitha pesë opsionet që janë shtruar në tavolinë që nga mbrëmja e djeshme.
Ndër këta opsione ai përmendi koalicionimin me VMRO-DPMNE-në, me LSDM-në, mbetjen e BDI-së në opozitë, qeveri të zgjeruar si dhe zgjedhjet e reja. /tesheshi.com/
