Vajza 7-vjeçare Bana el Abed, tweettimet e së cilës kanë tërhequr vëmendjen e botës për llahtaritë e luftës në qytetin e rrethuar të Halepit, ndodhet në vend të sigurtë, njofton BBC.
Bana Alabed u zhduk nga rrjeti social të dielën, ndërkohë që qeveria kishte nisur një ofensivë në zonat e mbajtura nga kryengritësit në Halepit lindor.
Megjithatë, një tweet i ri nga nëna e saj të hënën sugjeronte se jeta e tyre ishte në rrezik serioz dhe se nuk kishin ku të shkojnë. Një burim i BBC thotë se, si ajo ashtu edhe nëna e saj, Fatima, e cila shpesh tweeton në emër të saj, janë në një vend të fshehtë.
Autorja me famë botërore JK Rowling, ishte në mesin e atyre që përdoren Twitter-in për të kërkuar për ndonjë informacion në lidhje me vendndodhjen e Bana-s të dielën. Ajo i dërgoi Bana-s një komplet të tërë librash me Harry Potter, pasi vajza e re kishte postuar se asaj i pëlqente të lexojë “për ta harruar luftën”.
Në një bisedë me BBC në tetor, Fatima pati thënë se vajza e saj donte që “bota të dëgjojë zërin tonë”. Familja e Bana-s, e cila përfshin edhe dy vëllezër më të vegjël, besohej se jetonin në pjesën lindore të Halepit, një zonë kjo e cila ishte shënjestër e bombardimeve të rënda nga ushtria në javët e fundit. /tesheshi.com/
