Bavaria hapi qendrën e parë vetëm për azilkërkuesit nga vendet e Ballkanit me synimin e përshpejtimit të procedurave për kthimin e tyre në shtëpi, ndërsa vendi përballet me një valë refugjatësh nga zonat e konfliktit.
Deutsche Welle shkruan se qendra është ngritur në një kazermë të ushtrisë pranë qytetit të Ingolstandit e aty pritet të strehohen deri në kthimin pas, rreth 500 emigrantë nga Europa Lindore. Ky hap ishte paralajmëruar më herët nga autoritetet e shtetit të Bavarisë për shkak se vendet e Ballkanit, mes të cilave Shqipëria, Kosova apo Maqedonia konsiderohen vende të sigurta origjine dhe qytetarët e tyre nuk kanë asnjë shans për azil.
Agjencitë qeveritare janë përgatitur të punojnë sa më shpejt në bashkëpunim me qëllimin e kthimit të shpejtë të azilkërkuesve.
Nga 20.000 kërkesat për azil në Gjermani që janë dorëzuar nga fillimi i janarit deri në fund të korrikut, sipas statistikave të qeverisë, rreth 15,3 për qind ose rreth 3.000 prej tyre vijnë nga Kosova. Kurse 15 për qind tjerë vijnë nga Shqipëria dhe rreth 6 për qind nga Serbia. /tesheshi.com/
