Auto Dak
Auto Dak
Auto Dak

BASHKËPUNIMI/ Karta jo aq e re: si oferton Rama, si refuzon Basha

Siç dhe pritej, kreu i opozitës Basha e ka refuzuar ftesën e kreut të mazhorancës Rama për bashkëpunim pas zgjedhjeve.

 “Në 25 prill shqiptarët do votojnë numrin 9 për ta larguar Ramën dhe ai nuk do jetë kurrë pjesë e qeverisjes sonë. Koha e tij ka mbaruar. Ne do të sjellim ndryshimin dhe Shqipëria do fitojë”, shkruan Basha.

Iu përgjigj Rama, duke e vënë në sprovë morale.

“Po pse vallë janë më të rëndësishëm për ty Saliu dhe Iliri se sa Shqipëria Lulëzim?! Shqiptarët duan bashkim, duan që ne të gjithë të punojmë për ta dhe ekonominë e tyre përtej pandemisë, duke e lënë pas politikën e vjetër të sherrit, dasisë, konfliktit deri në absurd! Pse ti jo”, shkruan Rama.

Ftesa e Ramës, si një kartë e re politike, vjen në kulmin e fushatës, por nuk është e para. Edhe përgjatë dy krizave, tërmetit dhe pandemisë, Rama ka ftuar Bashën për të qenë në bashkëpunues, por i pari i opozitës ka refuzuar.

Refuzimi i Bashës vjen pas një marrëveshjeje mes tyre, asaj të vitit 2017.

Rama i dhuroi Bashës një pjesë të qeverisë, por në fund i fitoi zgjedhjet. Pas fitores, Rama kërkoi vijimin e bashkëpunimit, madje deri sa u përfol një qeveri e përbashkët tyre, por presioni i brendshëm ndaj Bashës në PD bëri që ky i fundit të ripozicionohej dhe njëherë ashpër ndaj qeverisë.

Nr. 2 i PD-së, Taulant Balla tha në Real Story se ftesa e Ramës nuk është për bashkëqeverisje, por për bashkëpunim në disa aspekte reformash, si dhe për të sjellë një tjetër klimë politike në të mirë të vendit. /tesheshi.com/

auto pjese dak

Related posts