Kreu demokrat Basha bëri një tjetër premtim mbi rrëzimin e Ramës nga qeverisja, duke thënë se kjo do të ndodhë të dielën.
Basha foli në një tubim para mbështetësve demokratë në zonën e ish-Kinostudios në Tiranë, ku kërkoi mobilizim për protestën e paralajmëruar të 2 qershorit.
“Kur do ta hidhni, kur do ta rrëzoni? Sot është rasti këtu në Tiranë të flas fare hapur e sinqerisht me këdo që e bën këtë pyetje, sepse i ka ardhur aty ku s’mban më. Pyetja nuk i drejtohet vetëm Partisë Demokratike dhe vetëm Lulzim Bashës, as edhe vetëm opozitës. Rrëzimi i të keqes është detyrë kombëtare, ndaj përgjigjen po e jap unë, në emër të gjithë atyre që keni pyetur të dashur bashkëqytetarë se kur do ta rrëzojmë”, tha Basha, i cili shtoi më pas: “Të dielën do ta rrëzojmë Ramën, do çlirojmë Tiranën”. /tesheshi.com/
