Lulzim Basha ka reaguar jo vetëm i ekzaltuar pas shtyrjes së zgjedhjes në Kavajë, por ka kaluar në ofensivë duke parashikuar një protestë të madhe në kryeqytet, që Basha gjatë fjalimit në çadër e ka quajtur “marshim në Tiranë”.
Protesta do të zhvillohet javën e ardhshme, por dita ende nuk është vendosur.
Ndërkohë menjëherë pas fjalimit kanë zhvilluar një debat në distancë me kryeministrin Edi Rama.
“Edi Rama e njohu refuzimin tuaj masiv për të qenë pjesë e fasadës së diktuar nga krimi më 7 maj. Ky është paralajmërimi më i madh dhe kontributi i dytë historik që Kavaja jep për demokracinë e shqiptarëve”, ka thënë Basha.
Bashës i është përgjigjur Rama me ironi.
“Lulëzim fitore të tilla paç ngahera po a me thua dot si ka mundësi që anëtarët e tu në KQZ po zihen kundër tërheqjes së kandidatit tonë???✌”, shkruan Rama në faqen e tij në Facebook. /tesheshi.com/
