Në ditën kur duhej të bëheshin zgjedhjet në Kavajë, kreu i Opozitës Lulzim Basha pretendoi se nuk do të ketë process votimi as në 18 qershor, pasi sipas tij, nuk ka lista të vlefshme ligjore në KQZ.
“Rama ia ka kaluar edhe Ramiz Alisë me çmendurinë e tij. Kërkon të shpikë fasadën e një pluralizmi që nuk ekziston. Në këto zgjedhje nuk është regjistruar asnjë subjekt tjetër përveçse një koalicioni. KQZ-ja është kapur në flagrancë dhe krim. Është një provë e kolapsit të republikës së vjetër. KQZ-ja ka marrë fund për ne si një entitet i republikës së vjetër”, tha Basha nga çadra e protestës në bulevard.
Ai përsëriti më tej, akuzat ndaj qeverisë për vijimësinë e vuajtjes qytetare në republikën e vjetër të Ramës. /tesheshi.com/
