Kreu demokrat Basha priti në një takim ambasadorin e BE-së në Tiranë, Luigi Soreca, i cili, si një ish-prokuror anti-mafia, ka dhënë mbështetje gjithë këto ditë për paketën qeveritare “Anti-KÇK”.
Pa u qartësuar se cili ka qenë objekti i takimit dhe i bisedës mes tyre, sapo janë ndarë me njëri-tjetrin, njeriu që drejton opozitën shqiptare shpërtheu kundër aksionit të pazakontë anti-krim të qeverisë me pyetësor pasurie dhe sekuestrime.
“KÇK është verë kryeministri, është partia në pushtet”, tha Basha.
E nga ana tjetër, ai tha se vijon të jetë për zgjedhje të parakohshme.
“Opozita nuk ka ndryshuar kërkesat dhe i qëndrojmë asaj të zgjedhjeve të parakohshme, për t’u dhënë shqiptarëve mundësinë për të zgjedhur një qeveri që u shërben të ndërtojnë jetën e tyre këtu. Nuk është lista e dëshirave të Bashës por thirrja e çdo shqiptari”, theksoi kreu demokrat. /tesheshi.com/
