Kreu demokrat Basha dha një sinjal për pjesëmarrje në zgjedhjet lokale të 30 qershorit teksa deklaroi PD-ja do të prezantojë sistemin e ri të përzgjedhjes së kandidatëve, e kjo gjatënjë takimi me një grup studentësh në Korpusin e Universitetit Politeknik të Tiranës.
“Me procesin e zgjedhjes së kandidatëve ne do të ndjekim modelin evropian, do të mundësojmë që çdokush që ka interes të përfaqësojë politikisht qytetarët, komunitetin, në çdo nivel, kryebashkiak apo deputet të kenë mundësi të kandidojnë.
Nesër apo pasnesër ju do të shikoni vetë kur PD do të botojë online formularë të aplikimit për ata që dëshirojnë të jenë kandidatë në zgjedhjet e ardhshme në emër të PD. Do të jetë merita që do të përcaktojë se kush do të jetë ai apo jo që do të përfitojë përmes votës së lirë dhe vlerësimit transparent që do të përfaqësojë PD në një parlament të çliruar nga krimi dhe kriminelët”, tha Basha.
Ndërsa duke iu referuar sfidave të arsimit të lartë, pra vetë studentëve, Basha tha se nëse vjen në pushtet do ndajë më shumë fonde për universitetet.
“Qeveria e ardhshme do të ndajë fonde dhe ju jap fjalën se qeveria e ardhshme arsimin e lartë e ka prioritet absolut. Fondet që do të ndahen për këtë janë vetëm një fraksion i fondeve që kjo qeveri harxhon vetëm për dy oligarkë. Vetëm për dy oligarkë”, theksoi kreu demokrat. /tesheshi.com/
