Pa ndonjë shkak konkrete, kreu demokrat Basha përcolli orët e pasditeve mesazhin e radhës politik, ku veçoi faktin se sipas tij shqiptarët janë të etur për ndryshim.
“Sot shqiptarët janë të etur për ndryshim.
Sot shqiptarët duan ndryshim të vërtetë, jo të përkohshëm, jo fals, jo fasadë, por ndryshim që do t’u japë fund krizave dhe traumave të tranzicionit.
Një ndryshim që do të na fusë në rrugën e sigurt drejt Bashkimit Europian dhe vlerave perëndimore”, shkroi Basha, duke e vënë veten si lider të këtij ndryshimi.
“Zgjedhjet e lira e të ndershme do t’i hapin rrugën transformimit politik dhe ekonomik që ka nevojë Shqipëria, do ti hapin rrugë ndryshimit të vërtetë.
Ky ndryshim është tani, qëllimi ynë kryesor, përparësia ime absolute ndaj çdo shqiptari”, vijoi më tej kreu demokrat. /tesheshi.com/
