Ish-kreu demokrat Basha i është kthyer takimeve me bazën, një lloj “Foltoreje” ende pa emër, e sigurisht jo entuziaste, në salla të mëdha, si Berisha.
Duke lënë të nënkuptuar se ai synon rikthimin në PD, në krye të saj, Basha u takua në Shkodër me ithtarë të tij nga baza demokrate, ku ishte dhe ish-kandidati për kryetar bashkie Xhemal Bushati, si dhe kryetari i degës se PD-së Xhevdet Amuli, së bashku me strukturat që punuan në fushatë.
“Hoqa dorë nga procesi për shkak te situatave te krijuara. Ju shpreh mirënjohje për gjithçka keni bërë. Qëndruat fort përballë një gare aspak të zakontë. Nuk do lë asgjë pa bërë që kontributi juaj të shpërblehet.
Koha dhe e drejta janë ne krahun tonë. Jeni njohur me vendimin e turpshëm qe mori gjykata pak ditë më parë. Ai është apeluar nga PD. Gjithçka që po ndodh është pushtim i paligjshëm. T’i shërbejmë uljes se gjakrave. Përgjegjësi që e kam marrë me vetëdije të plotë dhe do t’i shërbej bashkimit te PD”, është shprehur Basha, duke komentuar kështu për herë të parë verdiktin gjyqësor që njohu Kuvendin berishist, atë të 11 dhjetorit.
Më pas përmendi dhe Berishën, me emër, kur tha: “Kur do e marrë përgjegjësinë e tij Sali Berisha për të çliruar nga ngërçi PD-në dhe që të eci përpara? Ai flet për bashkimin dhe i fryn përçarjes,” u shpreh Basha. /tesheshi.com/
