Lulzim Basha ka hapur fushatën zgjedhore duke u rikthyer në vendin e cadres dhe bërë të qartë se kredoja e tij politike do të jetë pikërisht ajo çfarë prodhoi çadra.
PD, slloganin e fushatës do ta ketë: “Republika e Re”.
Kreu i PD-së ka mbrojtur vendimin e tij për të përjashtuar kritikët, duke potencuar se ishin në përputhje me pritshmëritë e njerëzve.
“Mbrëmë dorëzova listën fituese të republikë së re në KQZ. Kam marrë vendime të vështira, por jo të papritura, këtu në këtë shesh thamë se ndryshimi duhet të fillojë nga shtëpia jonë dhe kështu bëmë, dukje sjellë përfaqësuesit më të spikatur të shpresave, më të denjë të komuniteteve të ndryshme, sepse mbi të gjitha republika e re është dhe do të jetë gjithmonë republika e vlerave. Vendimet që kam marrë mbrëmë i kanë ngritur pritshmëritë e shqiptarëve. Kjo është rruga drejt fitores, në 4 javë do ta bëjmë natën ditë që republika e re të jetë realitet për çdo shqiptar. Opozita e bashkuar pala tjetër e përçarë, ndaj ne shkojmë drejt fitores së sigurt”, tha Basha.
/tesheshi.com/
