Kreu i Partisë Demokratike, Lulzim Basha ka akuzuar Kryeministrin Edi Rama se ka paguar 80 mijë dollarë për një fotografi me Presidentin amerikan Barack Obama.
Sipas Bashës, kjo gjë ka ndodhur në vitin 2012, kur Edi Rama ishte në opozitë, ndërsa nuk munguan as akuzat për një krim të rëndë federal të kryer në SHBA, ku Rama për Bashën është dorovitësi i 80 mijë dollarëve të dhëna në një mbledhje fondesh për betejën presidenciale.
Sipas kreut të PD, Departamenti Amerikan i Shtetit, bën të ditur se një shtetas shqiptar kishte marrë këtë shumë. Për kryedemokratin, fotografia me Obamën tregon shumë për mendësinë e Edi Ramës që me paratë e pista bleu gjithçka.
I menjëhershëm ka qenë edhe reagimi i Ramës, i cili deklaron se kjo foto po përdoret qëllimisht për propagandë, ndërsa mohon të ketë marrë pjesë në ndonjë organizimin elektoral të Presidentit Obama, apo të ketë kryer ndonjë pagesë, siç shkruajnë mediat.
Bilal Shehu që sot po gjykohet në SHBA për çështjen në fjalë është pjesëtar i komunitetit shqiptar në Neë York dhe është takuar me delegacionin tonë në SHBA në vitin 2012. Por në mënyrë kategorike nuk ka patur asnjë lloj veprimi financiar nga ana e Edi Ramës për të realizuar fotografinë e takimit me Presidentin Obama”, – ka thënë Rama. /tesheshi.com/
