Kreu i PD-së Lulzim Basha zgjodhi të dilte piknik me të rinj këtë të dielë, duke iu thënë atyre se “ndryshimi po vjen”.
“Unë ju siguroj se shumë shpejt rinia shqiptare do të ketë të njëjtën përgatitje si ajo europiane dhe do të jenë gati për tregun e punës. Po ju them se gjërat mund të ndryshojnë dhe ju jap garancinë time personale se mund të ndryshojnë.
Ju do të keni të gjitha mundësitë të punësoheni në një ekonomi që do të zgjohet nga letargjia 8 – vjeçare. Deri më 25 prill kam nevojë për ndihmën tuaj, energjinë tuaj dhe besimin tuaj”, shtoi Basha.
Ndërsa në një përpjekje për të ofruar humor spontan, Basha iu referua videos së diskutueshme të gatimit, përcjellë në rrjete nga bashkëshortja, duke thënë”
“Prandaj pa e zgjat shumë, se kemi ardhur për pikinik dhe më presin detyra të veçanta, siç është skuqja e salsiçeve në zgarë, jo nuk ja kam marrë dorën se nuk kam qenë duke skuqur salsiçe atë ditë, kam qenë duke skuqur mëlçi pule”, tha Basha. /tesheshi.com/
