Kreu demokrat Basha përcollinjë mbështetje morale për stafin e mjekëve e infermierëve që këto orë janë në luftë me virusin koronar, duke iu shërbyer atyre që janë prekur.
Basha iu drejtohet pikërisht atyre që sipas një statusi e një video e të përcjellë nga ish-kryeministri Berisha, mentori i tij politik, kërcejnë valle në ambientet e punës (rezultoi të ishte nga Irani).
Të dashur mjekë, infermierë dhe punonjës të shëndetësisë kudo në Shqipëri dhe personeli i Spitalit Infektiv në Tiranë!
Jeni heronjtë tanë!
Mendja dhe zemra e çdo shqiptari është me ju! Zoti ju dhëntë forcë dhe kurajo për ta përballuar këtë sfidë që kemi përpara! Në këto kohë ju nuk jeni vetëm prindër, bashkëshortë, bijë e bija, motra dhe vëllezër të familjarëve tuaj, por të të gjithëve ne bashkqytetarëve tuaj.
Mirënjohje të thellë kombëtare për secilin prej jush! Askush nuk ju sheh çuditshëm, e gjithë Shqipëria ju sheh me admirim për punën dhe përkushtimin tuaj!
Zoti ju bekoftë ju dhe të afërmit tuaj!
Zoti e bekoftë Shqipërinë!”, shkruan Basha.
Pra, në një farë mënyre, Basha përgënjeshtron Berishën në lidhje me atë çfarë përcjellë ky i fundit për publikun nga facebook-u i tij.
Por ndërkohë, një ditë më parë PD doli në mbrojtje të Berishës, pasi ky i fundit i padit nga mazhoranca për përhapje të lajmeve të rreme. Sipas opozitës, qeveria po tenton të mbulojë të vërtetat, pra duke dhënë të kuptuar se ato çfarë përcjellë lideri i tyre historik dhe ende aktiv, janë të vërteta. /tesheshi.com/
