Kreu demokrat Basha shpalli programin për të përndjekurit politikë, por pa e shoqëruar me ndonjë vetëkritikë mbi qasjen e derisotme ndaj kësaj shtrese, të cilën e ka patur hambar votash, porse nga kjo shtresë ka dhe një vetëflijim si shenjë rebelimi nën pushtetin e saj, siç qe vetëdjegia e Lirak Bejkos pas një greve urie.
Edhe për këtë shtresë nuk munguan premtimet në euro nga ana e Bashës.
E gjitha, përfshihej në 8 pika:
- Brenda mandatit të parë të përfundojmë pagesat për familjet e persekutuara nga regjimi komunist.
- Angazhohemi që në ditët e para në qeveri, të krijojmë instrumentin dhe fondin për gjetjen e trupave të njerëzve të pushkatuar.
- Qeveria e ardhshme do të ofrojë bursa studimi dhe kredi të buta për banesa, çifteve të reja nga pasardhësit e të përndjekurve politikë
- Do të subvencionojmë shërbimet shëndetësore dhe rrisim pensionet e të përndjekurve nga komunizmi,që të burgosurve politikë t’ju jepen 100 Euro shtesë mbi pensionet e tyre.
- Atyre që kanë vuajtur punën skllavëruese dhe torturat e kolonive ndëshkimore në minierat e Spaçit e në Qafë të Barit do t’i mundësojmë një pension si të minatorëve për ato vite që kanë punuar aty
- Ne do të dënojmë të gjitha simbolet e komunizmit në Shqipëri dhe do të fusim në sistemin arsimor edukim të veçantë për këtë periudhë të errët të historisë tonë.
- Ngritja e muzeut në kujtim të viktimave të komunizmit.
- Ligji i lustracionit për pastrimin e figurës për distancim njëherë e mirë nga diktatura 50-vjeçare. /tesheshi.com/
