Një deklarim i kreut demokrat Basha në “Kjo Javë” në News 24, ka vënë në dyshim kosistencën në qëndrime publike të aleates së tij Kryemadhi.
E pyetur këmbëngulshëm nga gazetarja se si e komenton ai faktin se znj.Kryemadhipo shfaq gadishmëri për shkuarje në zgjedhje dhe me Ramën kryeministër ndërkohë që ai vijon t’i qëndrojë “Jo”-së, Basha dha këtë përgjigje: “Intervistat gazetareske janë një gjë, qëndrimet politike janë një gjë tjetër. Nuk kam pasur asnjë kërkesë nga asnjë aleat që ne të rishikojmë qëndrimin tonë politik. Dhe sot qëndrimi ynë politik ka avancuar më tej me popozimin që kemi bërë për reformën zgjedhore”.
Sipas Bashës, dokumenti mbi Reformën Zgjedhore, ai me 5 pika, është miratuar prej kohësh nga opozita e bashkuar me unanimitet politik. /tesheshi.com/
