Kreu demokrat Basha e nisi këtë të hënë me një tjeytër mesazh të dalë nga atmosfera e nxehtë e aksionit politik të opozitës.
Duke e pagëzuar qeverinë Rama si “bandë”, Basha thotë se ai, pra PD-ja që ai drejton, nuk do ndalet. E këtë ai e ilustron me pamjet nga protesat e këtyre javëve.
“Ne e kemi bërë zgjedhjen: me njerëzit kundër një qeverie-bandë dhe kryehajdutit të saj që pasi i ka vjedhur dhe braktisur, tani i dhunon dhe i helmon ata!
Ky kryeminister hajdut është kapur duke vjedhur shqiptarët dhe duke blerë votat e tyre bashkë me krimin.
Kjo qeveri-bandë u vuri kryqin shtëpive të shqiptarëve, i ka vënë kryqin të ardhmes sonë europiane. Prandaj tani populli i ka vënë kryqin kësaj bande hajdute dhe nuk do të ndalet!”, shkruan Basha.
Siç mund të dallohet, kryedemokrati po tenton të ofrojë peisazhin normal të protestave, pa pjesën e dhunshme të tyre, për ta cilat kanë marrë dhe qortime ndërkombëtare. /tesheshi.com/
https://www.facebook.com/lulzimbasha.al/videos/401458967301694/?t=18
https://www.facebook.com/lulzimbasha.al/videos/401458967301694/?t=18
