Nga Durrësi, kreu demokrat Basha u përbetua sërish, në stilin e tij, se as do i njohë zgjedhjet e as do bashkëpunojë me Ramën. Pra, nuk do i përgjigjet ftesës së të parit të qeverisë.
“Dy përgjigje të qarta dhe të prera për dy pyetje që shtrohen e rishtohen: Kryetari i Partisë Demokratike nuk i njeh zgjedhjet e 25 prillit si legjitime dhe përfaqësuese të vullnetit të shqiptarëve.
Kryetari i Partisë Demokratike e hedh poshtë me neveri bashkëpunimin me autorin e kësaj masakre dhe i ftoj të gjithë shqiptarët të na bashkohen në të vetmen rrugë që ka një shoqëri e civilizuar, e në veçanti një shoqëri që është nisur për në destinin europian”, tha Rama.
Basha, duke mos pranuar rezultatin e 25 prillit, beson se ai është shumica.
“Mos ta pranojmë rënien e demokracisë, mos ta pranojmë mbivendosjen e vullnetit të pakicës mbi pakicën mbi vullnetin e shumicës por të bëjmë me gjithë format dhe mënyrat betejën tonë deri në rikthimin e legjitimitetit, demokracisë dhe përmes tyre ndryshimit për Shqipërinë dhe shqiptarët”, u shpreh Basha. /tesheshi.com/
