Basha e ka ripërsëritur dhe në Bruksel kërkesën e tij për një qeeveri anti-mafia, pra duke këmbëngulur në largimin e Ramës.
Pas protestës të së shtunës, Basha fluturoi drejt kryeqytetit të politikës europiane, ku dhe atje theksoi akuzat ndaj qeverisë duke aluduar se është në të njëjtën linjë me bindjen e Brukselit.
“Dhe unë nuk kam pikë dyshimi se partnerët e kanë kuptuar që, përtej fjalëve të bukura, propagandës, Edi Rama, përfaqëson atë që këta tani e masin vetë pas 5 vitesh të tij në pushtet, më shumë drogë eksportohet prej tij, më shumë krim eksportohet nga Shqipëria drejt Europës prej tij dhe më shumë emigracion i paligjshëm. Ky është produkti i Edi Ramës në raport me Europën.”, tha Basha. /tesheshi.com/
