Fill pas largimit të Sekretarit Kerry, lideri i opozitës, Lulzim Basha, ka deklaruar se ardhja e iranianëve në Shqipëri është vepër e Partisë Demokratike.
Në një intervistë për emisionin “Pesë Pyetje nga Babaramo” në Report TV, Basha tha se strehimi i muxhahedinëve në vendin tonë, është një hap pozitiv dhe për zhvendosjen e tyre në Shqipëri është arritur marrëveshja me SHBA-në që në kohën e qeverisë së djathtë që drejtohej nga Sali Berisha.
Sakaq, shtrohet çështja se sikur Kerry të kishte ardhur për të biseduar nga afër dhe për armët kimike, a do e jepte dakortësi Partia Demokratike?! Pasi siç dihet, opozita në atë kohë e kundërshtoi fort dakortësinë në parim që Rama i kishte dhënë Kerry-t për armët.
Madje ambasadori Arvizu dha të kuptuar me anë të një deklarate se Basha i kishte dalë fjale. /tesheshi.com/
