Kreu demokrat Basha reagoi pas fjalimit të Ramës në parlament, duke paralajmëruar se 30 Qershori do pengohet me forcën qytetare.
“Nuk do të ketë zgjedhje më 30 qershor, nuk janë të ligjshme, dhe nuk janë të bazuara në Kushtetutë. Opozita i bën thirrje që të veprojnë ashtu sikurse do të vepronte shoqëria perëndimore në një situatë të tillë”, tha Basha, ndërkohë që Rama këmnëgul në to pikërisht me argument kushtetues.
“Ne kemi një situatë të re politike në vend. të gjithë këtij konflikti i duhet dhënë fund me një marrëveshje politike. Diçka ka ndryshuar pas dekretit të presidentit. Procesi që kërkon zoti Rama është jo-kushtetues”, vijoi të argumentojë Basha.
Ndërsa rezolutën në parlament hartuarnga mazhoranca, e cila ka si synim që t’i hapë rrugë shkarimit të Metës si president, Basha e quajti grusht shteti. /tesheshi.com/
