Lulzim Basha deklaroi se Raporti i fundit DASH për të drejtat e njeriut, aty ku theksi vihet mbi korrupsionin, reflekton të gjithë shqetësimet e opozitës dhe shqiptarëve bashkë.
Kreu i PD-së doli në një konferencë për shtyp ku e konsideroi raportin e qeverisë amerikane si një qëndrim të qartë dhe pa ekuivok.
“Meqë raporti është i qartë dhe i kuptueshëm për të gjithë, nuk ka nevojë për shumë komente. Për fat të keq është një pasqyrë e realitetit të trishtë të Shqipërisë këtë herë nga qeveria amerikane”, tha Basha.
Sipas tij, ato që shkruhen në raport “konfirmojnë kauzat kryesore që opozita, por edhe faktorë të tjerë shoqërore dhe qeveri të tjera kanë ngritur mbi gjendjen në të cilën ndodhet Shqipëria sot”. /tesheshi.com/
