Protesta e opozitës u përmbyll me një fjalim të gjatë të kryetarit të saj Lulzim Basha, i cili për herë të parë në diskurin e tij politik pas 84 ditësh protestë nuk përmendi dorëheqjen e kryeministrit Edi Rama dhe as qeverinë teknike si kusht për zgjedhje të lira. Po ashtu, ai nuk e përmendi “mobindjen civile” për të cilën kishte folur para zgjedhjeve të anulluara në Kavajë.
Fjalimi i kreut demokrat ishte më shumë një fjalim elektoral, i pangjashëm me fjalimet që ka mbajtur në çadër këto 3 muaj.
Ai përmendi disa herë fjalin “Zot” duke kërkuar bekimin dhe ndihmën e forcës hyjnore për realizimin e “Republikës së Re”, për të cilën ai parashtroi dhe një program premtimesh.
Në fund të fjalimit vetëm një herë ai tha; qeveri teknike dhe zgjedhje të lira duke u kërkuar mbështetësve që ta ndiqnin në betejën e tij për këtë kauzë.
Basha e cilësoi protestën si një referendum për Republikën e re dhe vuri shpesh theksin tek paqja dhe qetësia me të cilën kërkohet kjo gjë duke ‘zhgënjyer’ pritshëmëritë për ndonjë akt dhune që mund të sillte protesta e sotshme.
Në protestë kulmonin ngjyrat kuq e zi të flamurit kombëtar dhe flamujt të PD-së dukeshin shumë të paktë në duart e protestuesve.
Asnjë nga figurate vjetra të kësaj partie nuk mori fjalën në podium pavarësisht se ishin në shesh edhe ish-kryetari i saj Sali Berisha dhe grupi parlamentar. Në vend të tyre iu la fjala qytetarëve të thjeshtë, mbështetës të protestës.
“Republika e vjetër bëhet gati për vjedhjen e zgjedhjeve të ardhshme që shqiptarët të mos kenë një parlament të diktuar nga vota e tyre, por të diktuar nga krimi. Ne jemi bashkuar për ti thënë ndal. Kemi thënë se zgjedhje pa opozitën nuk ka e nuk do të ketë. Zgjedhje me krimin nuk ka e nuk do të ketë. Do të ketë vetëm zgjedhje të lira e të ndershme me një qeveri teknike”- tha Basha duke premtuar se këto zgjedhje të lira do të bëhen realitet./tesheshi.com
