Lulzim Basha nuk ka refuzuar menjëherë kërkesën zyrtare të kryeministrit edi Rama për dialog politik.
Në një dalje publike Basha pas takimit me të rinjtë e Partisë Demokratike të ndaluar nga policia gjatë protestës për parkun e lojrave tek kodrat e Liqenit, Basha tha se duhet të lexojë njëherë letrën e rivalit të tij.
“Së pari më duhet ta lexoj njëherë letrën, pastaj të flas për të. Të lexoj letrën njëherë, pastaj do t’i kthej përgjigje. Brenda ditës do t’i kthej përgjigje”, tha Basha.
Lideri i opozitës përsëriti thirrjet ndaj maxhorancës të plotësojë, ato që i quajti detyrime kushtetuese, duke iu referuar këtu dërgimit në Gjykatën Kushtetuese të mandateve të dy deputëtëve, Rakip Suli dhe Valentina Leskaj, që opozita akuzon për shkelje të ligjit.
/tesheshi.com/
