Kreu i opozitës Basha i ka mëshuar sërish uljes së kontributit për Sigurimet Shoqërore, ndërkohë që premton rritje pensionesh, një arithmetike që ironizohet nga kryeministri Rama si “ulim prodhimin e qumështit dhe rrisim prodhimin e djathit (djathi bëhet më qumësht).
Në një takim me përfaqësues të Bashkimit të Prodhuesve shqiptarë, Basha këmbënguli që kjo do të ndodhë me të.
“Në rrafshin e reformës fiskale, ne i qëndrojmë me vendosmëri angazhimit tonë për taksën e sheshtë 9%.
Uljen e kontributeve shoqërore në 18%, pra, 9+9 duke zbatuar kështu parimin e taksës së sheshtë si një parim që do të nxisë rritjen ekonomike, do të nxisë punësimin, por po kështu do të nxisë transparencën dhe do të luftojë informalitetin, dhe duke çuar në një skenar të tre palët fitojnë.
Me fuqizimin e biznesit përfitojnë edhe të punësuarit, rritet dhe konsumi, përfiton dhe arka e shtetit. Dhe ky është fituesi i tretë i skemës, i angazhimit që ne ndërmarrim në fushën fiskale”, aryetoi njeriu që udhëheq opozitën. /tesheshi.com/
