Nga Berati, kreu demokrat Basha paralajmëroi vijimin e bojkotit parlamentar, ku siç la të kuptuar, kush për kthim është vetëm vettingu i politikës.
“Zgjidhja politike është aty. Ne nuk kërkojmë asgjë më shumë se standardi që miratuan për prokurorët dhe gjyqtarët. I njëjti standard që Venecia rekomandoi për këta, i njëjti standard që bëri ligj për policët dhe gardistët, i njëjti standard duhet të vleje për politikën. Kjo është vijë e kuqe për opozitën”, tha Basha.
Më pas, ai e bëri gati të pamundur kthimin në parlament, kur artikuloi dhe një tjetër kusht.
“Pa ndëshkuar krimin elektoral, pa ndëshkuar kryebashkiakët dhe ministrat që janë kapur duke bërë pakte me bandat, nuk mund të këtë kompromis me opozitën. Këta njerëz duhet të arrestohen! Duhet të jenë para drejtësisë, në burg! Ta mendojë mirë çdo politikan që pazari me bandat do ta çojë, jo në pushtet, por në burg”, theksoi kreu demokrat.
Më tej, Basha u përcolli një mesazh dhe ndërkombëtarëve, me anë të një ankese ndaj tyre.
“Partnerët ndërkombëtarë të mos bëjnë sikur nuk dinë, nuk dëgjojnë e nuk shohin”, shtoi ai. /tesheshi.com/
