Kreu demokrat Basha hodhi poshtë çdo mundësi për ndryshim sistemi zgjedhor. Në një dalje të fundit për mediat, ai tha se nuk është faji i sistemit nëse zgjedhjet janë pa standarte.
“PD ka fituar me mazhoritar të pastër, ka fituar me mazhoritar me korrektim proporcional, ka fituar me proporcional, nuk është problemi i sistemit. Problemi është nëse zgjedhjet e ardhshme do të jenë zgjedhje ku do të vendosin shqiptarët apo zgjedhje ku do të vendosë prapë krimi i organizuar” tha Basha.
Sipas tij, nëse duhet ndryshim sistemi, këtë duhet të zgjedhë populli. “Në këtë kuadër do të jem i lumtur të pranoj verdiktin e qytetarëve shqiptarë për çfarëdo sistemi që dëshirojnë. Unë personalisht preferoj maxhoritarin e pastër”, theksoi kreu demokrat. /tesheshi.com/
