Kreu demokrat Basha iu rikthue çështjes së nxehtë por të ftohur tashmë të godinës joekzistente të Teatrit Kombëtar, duke thënë se ai do e ndërtojë aty ku ka qenë dhe siç ka qenë.
“Për teatrin, ajo firmë që kam hedhur asaj do t’i qëndroj. Teatri do të ndërtohet siç ishte, aty ku ishte”, tha Basha në disa takime në Njësinë 9 në Tiranë.
“Unë nuk vij me premtime, unë vij me plan pune. Në 25 prill kemi ditën e betejës për familjet tuaja dhe për të gjithë Shqipërinë Dhe pastaj keni fjalën time dhe zotimin tim që të gjitha angazhimet do ti bëjmë realitet”, theksoi i pari i opozitës.
Basha përsëriti tezën se do jetë një kryeministër normal me një qeverisje normale
“Mrekulli nuk ju premtoj por normalitet, do t’ju kthej shtetin, do ta kthejë administratën në funksionin tuaj….Shteti ka për detyrë të garantojë ligj, siguri, barazi, konkurrencë, dinjitet”, shtoi kreu demokrat. /tesheshi.com/
